17 май 09:12
Янгиликлар

Теннис

Свёнтек Рим турнири бош соврини учун кортга чиқади, бу унинг 25-финали!

Италия пойтахти Рим шаҳрида ўтказилаётган теннис бўйича WTA 1000 тоифасига кирувчи турнирда финалчилар аниқланди.

Дунёнинг биринчи ракеткаси, "Катта Дубулға" турнирларининг тўрт карра ғолиби Ига Свёнтек фаолитиядаги 25-финалга чиқди. Польшалик теннис маликаси 108 дақиқа давом этган 1/2 финалда WTA рейтингида учинчи ўринни эгаллаб турган америкалик Коко Гоффни мағлубиятга учратди - 6/4, 6/3.

Теннисчиларнинг ўзаро учрашувларида Ига катта фарқ билан олдинда бормоқда - 10:1. Свёнтек 1, Гофф 3 та эйс зарбани амалга оширган. Қўшхатолар америкаликда кўпроқ бўлди - 4 га 1. Брейклар бўйича ҳам худди шундай кўрсаткич, фақат бу сафар польшалик фойдасига - 4 га 1!

Маълумот учун, Ига Свёнтек жорий мавсумда Доҳа, Индиан-Уэллс ва Мадриддаги турнирларда бош соврин соҳибасига айланди. У 2021 ва 2022 йилларда Рим турнирида чемпион бўлганди.