Табило мавсумдаги иккинчи совринини қўлга киритди

Мусобақа бош соврини чилилик Алехандро Табилога насиб этди. Дунёнинг 24-ракеткаси ҳал қилувчи финал учрашувида рейтингнинг 54-поғонасидан жой олган австриялик Себастьян Офнердан устун келди - 6/3, 6/4.

Теннисчиларнинг ўзаро учрашувларида мувозанат тикланди - 1:1. Етмиш олти дақиқа давом этган баҳсда Табило 5, Офнер 2 та эйс зарбасини амалга оширган. Иккала теннисчи ҳам 3 тадан брейк қайд этган. 

Бу чилилик теннисчининг фаолиятидаги иккинчи ATP турнири соврини эди. У иккала чемпионигига ҳам жорий мавсумда эришган. Mallorca Championships турниридаги муваффақиятли иштирок Табилога 250 рейтинг очко ҳамда 141,795 евро мукофот пули келтирди.