13 янв 08:36
Янгиликлар
Хоккей
"Tashkent Select" кетма-кет учинчи ғалабасини қўлга киритди
11-12 январь кунлари хоккей бўйича Қозоғистон ёшлар чемпионатидан ўрин олган бир нечта ўйинлар бўлиб ўтди.
Жумладан, Тошкентнинг "Tashkent Select" клуби ўз уйида "Горняк" ёшларини қабул қилди.
Илк кунги ўйинда ҳамюртларимиз 7:4 ҳисобида зафар қучишди. Ўша ўйинда Линар Хайруллин (дубль), Илсур Умеров, Артём Грязнов, Алберт Дадахўжаев, Руслан Султонов ва Илья Попов шайба киритди.
Кеча ташкил этилган иккинчи ўйинда эса 7:3 ҳисоби қайд этилди. Бу сафар ҳам тошкентликлар ғалабага эришди. Ўйинда Егор Ковальчук, Самир Мирзабоев, Эрик Гайниахметов, Артём Грязнов (хет-трик) ва Алберт Дадахўжаев очко ишлаб олди.
Бу икки ғалабадан кейин "Tashkent Select"нинг очколари сони 16 тага етди. Жамоа турнир жадвалида 13 жамоа орасида 11-ўринни эгаллаб турибди. Вакилларимиз энди 16-17 январь кунлари Тошкентда "Алмати" ёшларини қабул қилади.
Ҳавола :
Манба : olamsport.com
Фикрлар