30 окт 08:26
Янгиликлар

Хоккей

"Tashkent Select" Қозоғистон ёшлар чемпионатидаги иккинчи ғалабасини қўлга киритди

Кеча, 29 октбярь куни хоккей бўйича Қозоғистон ёшлар чемпионати доирасида навбатдаги ўйинлар ташкил этилди.

"Tashkent Select" клуби тур доирасида Рудний шаҳрининг "Горняк" жамоаси билан баҳс олиб борди.

Ўйиннинг асосий вақти ҳамда овертайм 2:2 ҳисобидаги дуранг билан якунланди. Буллитлар сериясида эса тошкентликлар ўз имкониятларидан унумли фойдаланиб, ғалабани илиб кетишди.

Шу тариқа, "Tashkent Select" Қозоғистон ёшлар чемпионатининг бу мавсумидаги иккинчи ғалабасини қўлга киритди. Жамоанинг айни пайтдаги очколари сони 4 тани ташкил этмоқда. Клубимиз турнир жадвалида 10-ўринни эгаллаб турибди.

Бугун соат 13:00 да "Горняк" ва "Tashkent Select" жамоалари ўртасидаги иккинчи ўйин ўтказилади.