26 дек 18:32
Янгиликлар
Хоккей
"Tashkent Select" узоқ танаффусдан кейин яна ғалаба қозонди
Кеча ва бугун хоккей бўйича Қозоғистон ёшлар чемпионатидан ўрин олган "Кулагер" — "Tashkent Select" ўйини ташкил этилди.
Аҳамиятлиси, кеча ўтказилган илк ўйинда "Tashkent Select" қозоғистонлик ёш рақиблари устидан 3:0 ҳисобида зафар қучди. Шу тариқа, тошкентликлар 27 ноябрь санасидан буён илк бор Қозоғистон ёшлар чемпионати доирасида ғалабага эришди.
Бироқ, хурсандчилик узоққа чўзилмади. Бугун ўтказилган иккинчи ўйинда "Кулагер" 5:3 ҳисобида ғалаба қозониб, реванш олди.
Ушбу ўйинлардан кейин "Tashkent Select"нинг очколари сони 10 тага етди. Вакилларимиз айни дамда турнир жадвалида 11-ўринни эгаллаб турибди.
Клуб кейинги ўйинларини 7-8 январь кунлари ўз уйида айнан "Кулагер"га қарши ўтказади.
Ҳавола :
Манба : olamsport.com
Фикрлар