02 дек 08:48
Янгиликлар
Хоккей
"Tashkent Select"нинг Қозоғистон чемпионатидаги мағлубиятли юриши давом этмоқда
Сўнгги икки кун давомида хоккей бўйича Қозоғистон ёшлар чемпионатидан ўрин олган бир нечта ўйинлар ўтказилди.
Жумладан, "Tashkent Select" хоккей клуби Уралск шаҳрининг "Ястреби" клуби меҳмони бўлди. Жамоалар ўртасида 30 ноябрь куни ўтказилган илк ўйинда қозоғистонликлар 8:2 ҳисобида ғалаба қозонишганди. "Tashkent Select" сафида киритилган голларга Богдан Ганиахметов ва Егор Ковальчук муаллифлик қилишди.
Кеча ташкил этилган иккинчи ўйинда "Ястреби" хоккейчилари 11:1 ҳисобида зафар қучишди. Вакилларимиздан Богдан Ганиахметов ўз ҳисобига гол ёздириб қўйди. "Tashkent Select" 26 та ўйинда 8 очкогина жамғариб, турнир жадвалида 11-ўринни эгаллаб турибди.
Ҳавола :
Манба : olamsport.com
Фикрлар