Терма жамоа аъзолари учун янги қоидалар бўйича семинар ўтказилди + ФОТО

IJF расмий сайтига Париж-2024 Олимпиада цикли учун янги қоидалар ҳақида видеодастур ҳам жойланганди. Унда IJF ҳакамлар супервайзери ва шарҳловчиси Нейл Адамс бу ҳақда батафсил тушунтириш берган эди. 

Куни кеча Ўзбекистон дзюдо федерациясида мазкур ўзгаришлар юзасидан семинар ўтказилди. Халқаро тоифадаги рефери Рамзиддин Саидов томонидан ўтказилган тадбирда катталар ва ёшлар терма жамоалари дзюдочиларига ўзгаришлар бўйича батафсил маълумот берилди. Дзюдочилар ўзларини қизиқтирган саволларга атрофлича жавоб олишди. 

Эслатиб ўтамиз, бу ўзгаришлар 26-28 январь кунлари Португалиянинг Одивелаш шаҳрида ўтадиган Гран-при мусобақасидан бошлаб Париж-2024 цикли якунига қадар амал қилади.