Терма жамоамиз Буркина-Фасога қарши ўйинга тайёргарлик кўрмоқда

Мазкур учрашув терма жамоамиз учун Жаҳон чемпионати 3-саралаш босқич илк туридан ўрин олган Сурияга қарши ўйинга тайёргарлик вазифасини ўтаб беради. Айнан Буркина-Фасога қарши ўйиндан сўнг миллий терма жамоа бош мураббийи Самвел Бабаян 1 сентябрь кунги Сурияга қарши ўйинда майдонга тушиши мумкин бўлган футболчилар номини эълон қилади.

Бош мураббий йиғинга 24 нафар футболчини жалб этган. Эртадан кейин ўтказиладиган учрашувда хорижда тўп тепаётган футболчиларимиз – Одил Аҳмедов, Виталий Денисов, Сардор Рашидов ва Санжар Турсунов майдонга тушмайди. Улар кечроқ терма жамоа сафига келиб қўшилишади.

Эслатиб ўтамиз, Ўзбекистон – Буркина-Фасога учрашуви 24 август куни “Пахтакор” стадионида бўлиб ўтади. Учрашув соат 20:00да бошланади. Ушбу баҳсни бошқариш ҳамютимиз ФИФА рефериси Шерзод Қосимовга ишониб топширилган. Унга қанотларда Маъмур Саидқосимов ва Руслан Серазитдинов ёрдам беради. Тўртинчи ҳакам сифатида Дмитрий Пислегин тайинланган.