Terra Wortmann Open. Медведев муваффақиятли старт олди

ATP 500 тоифасига кирувчи ушбу мусобақа бош соврини учун россиялик Даниил Медведев асосий даъвогарлардан бири бўлиб турибди. Дунёнинг бешинчи ракеткаси илк даврада ATP рейтингида 51-поғонада бораётган португалиялик Нуну Боргешни қийинчилик билан мағлубиятга учратди - 7/6(4), 6/4.

Теннисчиларнинг ўзаро иккинчи учрашувида ҳам Медведев ғалаба қозонди - 2:0. Тўқсон уч дақиқа давом этган баҳсда Даниил 9, Нуну 7 та эйс зарбани амалга оширган. Қўшхатолар Медведевда кўпроқ бўлди - 4 га 2. Брейклар бўйича устунлик ҳам россиялик теннисчи томонда - 2 га 1. 

Энди Даниил Медведев Terra Wortmann Open турнирининг 1/8 финалида Чжан Чжичжэнга қарши кортга чиқади. Хитойлик теннисчи ўз ўрнида биринчи босқич учрашувида австриялик Себастьян Офнердан 7/6(8), 6/7(3), 6/4 ҳисобларида устун келди.