16 июл 09:05
Янгиликлар
Теннис
Тимофеева Athens Open WTA 250`да дунёнинг 31-ракеткасига қарши кортга чиқди
Хабар берганимиздек, Греция пойтахти Афина шу кунларда теннис бўйича аёллар ўртасида Vanda Pharmaceuticals Athens Open WTA 250 турнирига мезбонлик қилмоқда.
Ушбу турнирда мамлакатимизнинг иккинчи ҳамда учинчи ракеткалари Мария Тимофеева ва Полина Кудерметова иштирок этиши маълум қилинганди. 14 июль куни 23 ёшли Кудерметова 1/16 финалда мезбон юрт вакиласи, дунёнинг 37-ракеткаси бўлиб турган тажрибали Мария Саккарига қарши кортга чиқиб, 0:2 ҳисобида имкониятни бой берганди.
Кеча яна бир теннисчимиз — Мария Тимофеева ҳам турнирдаги илк ўйинини ўтказди. У дунё рейтингида 31-поғонани эгаллаб турган АҚШ вакиласи Энни Ли билан баҳс олиб борди ва 0:2 (2/6, 1/6) ҳисобида имкониятни бой берди. Учрашув 1 соат, 20 дақиқа давом этди.
Ли мазкур мусобақада иккинчи рақам остида сараланганини таъкидлаш лозим.
Ҳавола :
Манба : olamsport.com
Фикрлар