Тимофеева Швейцария турнирида ўта қийин ғалабани қўлга киритди

Вакиламиз Швейцариянинг Кьяссо шаҳри мезбонлик қилаётган WTA 75 тоифасига кирувчи, мукофот жамғармаси 60 минг долларни ташкил этувчи турнирда ўз маҳоратини намойиш қилмоқда. У илк даврада асосий даврага саралаш баҳслари орқали етиб келган испаниялик Ллорка Кортезни жуда ҳам қийинчилик билан, бир нечта матч-боллардан чиқиб кетган ҳолда мағлубиятга учратди - 2/6, 6/1, 7/6(5).  

Ҳал қилувчи учинчи сетнинг ўзи бир ярим соат давом этгани баҳснинг қанчалик қийин ва мураккаб кечганини англаш мумкин. Учрашувнинг ўзи умумий уч соату икки дақиқа давом этган. Бу теннисчиларнинг ўзаро ўтказган илк баҳси бўлди.