19 мар 12:30
Янгиликлар
Тож учун даъвогарлар кураши. Каруана якка пешқадам бўлиб олди
28 март кунига қадар давом этадиган мусобақа ғолиби шу йилнинг ноябрида Лондон шаҳрида ўтказиладиган суперматчда амалдаги жаҳон чемпиони норвегиялик Магнус Карлсенга қарши дона суриш имкониятини қўлга киритади.
Ушбу ягона йўлланма учун озарбайжонлик Шахрияр Мамадияров, арманистонлик Левон Аронян, америкаликлар Фабиано Каруана ва Уэсли Со, хитойлик Дин Лижэнь ҳамда уч нафар россиялик гроссмейстерлар Александр Гришук, Сергей Карякин ва Владимир Крамник баҳс олиб боряпти.
Пешқадам Каруана кеча ўтказилган 7-турда қора доналарда ҳаракат қилишига қарамай, Аронянни мағлубиятга учратди. Мамадияров эса Гришук билан дуранг ўйнади.
7-тур натижалари: Аронян – Каруана 0-1, Карякин – Со 1-0, Гришук – Мамадияров, Крамник – Дин Лижэнь дуранг.
7-турдан кейинги ҳолат: 1. Каруана – 5; 2. Мамадияров – 4,5; 3-5. Гришук, Дин Лижэнь, Крамник – 3,5; 6. Карякин – 3; 7-8. Аронян, Со – 2,5.
8-тур жуфтликлари: Со – Каруана, Мамадияров – Карякин, Гришук – Крамник, Дин Лижэнь – Аронян.
Фикрлар