Топурия ва Пимблетт UFC рақамли турнирининг марказий жангини ўтказиши мумкин

"Менинг жавобим – ҳа! Бу жуда катта жанг. Ҳамма мендан "кейин нима бўлади?" деб сўраяпти. Шуни айтишим мумкинки: бу ёқимли муаммо. Жастин Гэтжи ёки Пэдди Пимблетт? Улардан қайси бири Топурияга рақиб бўлмасин, биз барибир ютамиз", – деди ташкилот раҳбари UFC on Paramount мухбирининг саволига жавоб берар экан.

UFC`нинг енгил вазн тоифасидаги амалдаги чемпиони Жастин Гэтжи жорий йилда октагонга қайтмаслиги аниқ эканлиги ва у тез-тез фаолиятини якунлаш ҳақида гапираётганини ҳисобга олсак, Илия Топурия ва Пэдди Пимблетт ўртасидаги жанг энг эҳтимолий вариант бўлиб кўринмоқда. Айниқса, Дана Уайт сўнгги бир неча кун ичида бу имкониятни икки марта тилга олди.

Ўтган ҳафта Топурия Гэтжига қарши бирлаштирувчи жангдаги мағлубиятидан сўнг сақлаб келган деярли уч ойлик сукунатни бузди ва октагонга қайтиш ниятида эканлигини маълум қилди. UFC президенти эса унинг жамоаси "Эл Матадор" билан музокаралар олиб бораётганини тасдиқлади.

Айни дамда ташкилот ўзининг рақамли шоулари учун чемпионлик жангларини топишда қийинчиликларга дуч келмоқда, шу боис британиялик ва испан-грузин жангчилари ўртасидаги тўқнашув Нью-Йоркдаги ноябрь ойида бўлиб ўтадиган UFC 334 ёки Лас-Вегасдаги декабрь ойидаги UFC 335 турнирининг марказий жанги бўлиши эҳтимоли юқори.