30 май 12:59
Янгиликлар
Гимнастика, Олимпия ўйинлари
Тошкенбоева ҳам Токио-2020 Олимпиадасига боради
Шу кунларда Италиянинг Пезаро шаҳрида бадиий гимнастика бўйича Токио-2020 Олимпия ўйинларига лицензиялар тақдим этувчи йилнинг сўнгги мусобақаси – Жаҳон кубоги босқичи ўтказилмоқда.
Қувонарлиси, унда иштирок этаётган ҳамюртимиз Сабина Тошкенбоева узоқ давом этган Олимпия ўйинларига саралаш циклини муваффақиятли якунлади ва Токио-2020 йўлланмасини қўлга киритди.
Пезарода Токио-2020 олимпиадасининг шахсий биринчилигида иштирок этадиган энг бахтли уч нафар спортчиси саралаб олинди. Ғолиблар Жаҳон кубогининг тўртта босқичи, яъни София (Болгария), Тошкент (Ўзбекистон), Боку (Озарбайжон) ҳамда Пезаро (Италия) шаҳарларида ўтказилган мусобақаларда қайд этилган умумий натижаларга кўра аниқланди.
Бизни хушнуд этган жиҳати, ҳамюртимиз Сабина Тошкенбоева ана шу бахтли спортчилар қаторидан жой олди. У якунда 130 очко тўплади ва бу натижа унга XXXII ёзги Олимпия ўйинларида қатнашиш ҳуқуқини тақдим этди.
Ҳавола :
Манба : minsport.uz
Фикрлар