Туркия терма жамоаси таркиби эълон қилинди

Улар орасида номдор дзюдочиларга эга Туркия терма жамоаси ҳам бор. Туркия дзюдо федерацияси 11 нафар (6 эркак, 5 аёл) спортчини IJF расмий сайтида рўйхатдан ўтказди. Ҳамюртимиз Давлат Бобонов Токио Олимпиадасининг бронза медали учун кечган беллашувда Михаэль Зганкни мағлубиятга учратган эди. Бу дзюдочи -90 кг вазнда "Ҳумо Арена" татамиларида жаҳон чемпионати медаллари учун курашади. 

Шунингдек, Туркия терма жамоаси таркибидан Салиҳ Йилдиз, Билал Силоглу, Ведат Албайрак сингари таниқли ва совриндор дзюдочилар бор. Хусусан, Зганк ва Албайрак яқинда айнан Туркиянинг Конья шаҳрида ўтказилган V Ислом бирдамлиги ўйинларида олтин медални қўлга киритган эди.   

Туркия терма жамоаси таркиби

Эркаклар: Салиҳ Йилдиз (-60 кг), Муҳаммад Демирел (-66 кг), Билал Силоглу (-73 кг), Ведат Албайрак (-81 кг), Михаэль Зганк (-90 кг), Мерт Сисманлар (-100 кг).

Аёллар: Тугче Бедер, Мерве Азак (иккиси ҳам -48 кг), Озлем Йилдиз (-57 кг), Фидан Огел (-70 кг), Кайра Сайит (+78 кг).