23 сен 08:50
Янгиликлар

Бошқалар

У-шу. Терма жамоамиз Осиё чемпионатидан 3 та медал билан қайтди+ФОТО

Жанубий Кореянинг Гуми шаҳрида шарқ яккакурашлари оиласига мансуб ушу спорт тури бўйича ёшлар ўртасидаги Осиё чемпионати бўлиб ўтди.

Ўз тарихида тўққизинчи бор ташкил этилган қитъа биринчилигида Ўзбекистон ёшлар терма жамоасининг 11 нафар аъзоси ҳам ўз маҳоратини ҳакамлар назоратидан ўтказди. Улардан 4 нафари санда, қолганлари эса таолу йўналишида иштирок этишди.

Якунда улардан 3 нафари шохсупага кўтарилди. Ҳамюртларимиздан Осиё ва жаҳон чемпиони Дарья Латишева таолу йўналишида олтин медални қўлга киритди. Шоҳжаҳон Тиловиддинов таолуда бронза медалига сазовор бўлди.

Кеча терма жамоамиз делегацияси Кореядан юртимизга қайтиб келди. Энди ушу бўйича Ўзбекистон катталар терма жамоаси 26 сентябрь куни жаҳон чемпионатида қатнашиш мақсадида Уфага жўнаб кетади.