Уайлдер Усикка қарши жанг бўйича музокараларнинг бориши билан ўртоқлашди

"Биз ушбу жангни муҳокама қилишнинг янги босқичига ўтганимиз аниқ. Бокс - бу бизнес ва ҳар доим ҳам келишувга эришиб бўлмайди. Лекин ҳозир биз Усик билан музокара олиб боряпмиз ва бу ҳақиқат. Мен бу жангни кутяпман. Якуний тасдиқни олгач, жуда хурсанд бўламан ва тайёргарлигимни бошлайман.

Усикнинг танловидан хайрон қолдимми? Унчалик эмас. 50 га 50. Тўғрисини айтсам, фаолиятим давомида менга камдан-кам одам имконият берарди, уларнинг барчаси менинг зарбамдан қўрқишарди. Аммо ютқазишни бошлашим билан мен билан рингга чиқмоқчи бўлганлар пайдо бўлди", - дея Уайлдернинг сўзларини келтиради talkSPORT.

Маълумот учун, Деонтей Уайлдер профессионал боксчи сифатида 2008 йилнинг ноябридан бери рингга кўтарилиб келмоқда. Унинг рекордида 44 ғалаба, тўртта мағлубият ва битта дуранг бор.