Учинчи Олимпиадасига тайёргарлик кўраётган Рустам Ассакалов 40 ёшда!

Рустам Ассакалов 1984 йил 13 июль куни дунёга келган. Халқаро тоифадаги спорт устаси. "Динамо" клуби аъзоси. Мураббийлари - Владимир Холодаев, Камил Фаткуллин, Равшан Рўзиқулов. 

Ассакалов 2015 йил АҚШнинг Лас-Вегас, 2019 йилда Қозоғистоннинг Нур-Султан шаҳрида ўтказилган жаҳон чемпионатларининг мос равишда кумуш ва бронза медаллари соҳиби ҳисобланади. У 2014 йилги Инчеондаги Осиё ўйинларида чемпионлик шохсупасига кўтарилган. 2018 йил Жакартада ўтган Осиё ўйинларида кумуш медаль билан тақдирланган. 

Бугунги кун қаҳрамони 2013 йил Нью-Дели, 2015 йилда Доҳа шаҳри мезбонлик қилган Осиё чемпионатида барча рақибларини мағлубиятга учратиб, олтин медални қўлга киритган. У шунингдек, Осиё чемпионатларининг икки карра кумуш ҳамда бронза медалларига ҳам эга чиққан. 2017 йил Бокудаги Ислом Бирдамлик ўйинларининг бронза медалига сазовор бўлган. Рио ва Токио Олимпия ўйинларида иштирок этган. Париж-2024 Олимпиадасида ҳам юртимиз шарафини ҳимоя қилади. 

Фурсатдан фойдаланиб, Рустам Ассакаловни бугунги таваллуд куни билан муборакбод этамиз.