17 апр 15:04
Янгиликлар

Бокс/ММА

UFC чемпиони Карлос Ульберг муваффақиятли операция қилинди + ФОТО

Янги чемпионнинг кутилганидан ҳам узоқроқ муддатга сафдан чиққани ойдинлашди.

Карлос Ульберг Майамидаги UFC 327 турнирида Иржи Прохазкани нокаутга учратиб, бўш турган ярим оғир вазн чемпионлик камарини қўлга киритганидан беш кун ўтиб, жангда орттириб олган тиззасида жарроҳлик амалиётини ўтказди.

"Тизза операцияси якунланди" деб ёзди янги зеландиялик жангчи ижтимоий тармоқда касалхонада олинган суратни эълон қилиб. Жарроҳлик амалиёти Лас-Вегасда ўтказилди.

Ульбергнинг тиззаси қанчалик жиддий шикастлангани ва тикланиш қанча вақт олиши ҳозирча номаълум. Дастлабки барча белгилар жангчи тиззасининг олдинги хочсимон боғламасини шикастлаганини ва бир йилгача сафдан чиқиши мумкинлигини кўрсатди.