UFC чемпиони: "Спортдан Хабиб сингари кетишни истайман"

"Охир-оқибат нафақага чиқишни хоҳлашим табиий. Буни идеал равишда амалга оширишим учун Сингапурдаги жангда ғааба қозонишим, бундан ташқари, ноябрь ойида "Мэдисон Сквер Гарден"да Ян Блаховични мағлуб этишим зарур, сўнг фаолиятимни якунлаганим ҳақида эълон қиламан. Бироқ ҳозир бундай қарор қабул қила олмайман. Бу имконият, аммо ҳаммаси менинг фойдамга ҳал бўлиши аниқ дея олмайман. Жангларни, умуман олганда спортни севаман. Машғулотлар залида яшашни, қолаверса, жангларга тайёргарлик кўришни ёқтираман, бироқ 42 ёшдаман, тез орада 43 ёшни қарши оламан, хуллас бу ҳақда ўйлашнинг вақти келди.

Спортдан ўз шартларим асосида кетишни истайман. Бунга мисол қилиб, Хабиб Нурмагомедовни олишимиз мумкин, унинг олдида шляпамни ечаман, сабаби у чўққисига чиққан вақти фаолиятини якунлади. Пул унга ҳеч қандай далда бермайди. У 10, 20 миллион доллар атрофида ишлаб олди, унга бундан ҳам кўп сумма таклиф қилишганди, бироқ у қайтмади. Ҳурмат қилса арзийди. Хабиб бунга чек қўйди, ортиқ бу иш билан шуғулланишни истамади. Мен ҳам шуни режа қиляпман. Бундан кўнглим совиган куни фаолиятимни якунлайман", - деди Тейшейра The MMA Hour YouTube каналига берган интервьюсида.