19 май 10:49
Янгиликлар
Бокс/ММА
Мураббий жангга бир ой қолганида Алекс Перейранинг ҳозирги вазнини очиқлади
UFC собиқ чемпиони Алекс Перейранинг мураббийи Гловер Тейшейра шогирдининг Сирил Ганга қарши жангидан бир ой олдинги вазни ҳақида хабар қилди.
Ушбу жанг 15 июнь куни Вашингтонда бўлиб ўтадиган UFC White House — Freedom 250 турнири доирасида ташкил этилади. Жангда вақтинчалик оғир вазн чемпионилик камари ўртага қўйилади.
"Унинг жисмоний ҳолатидан хавотирда эмасман. Ҳозир "Поатан" ҳар доимги вазнида, ҳатто икки килога оғирроқ ҳам. Ўрта вазнда жанг қилганида, мавсумлар оралиғида 108 кг бўларди. Ҳозир эса оғир вазнда Алекс вазн йиғишни бошлади. Бир пайтлар у 116 кг ҳам тош босган. Аммо ҳозир 110 кг гача тушди ва жисмоний ҳолатини яхшилаб, янада чаққон бўлишни хоҳлаяпти. 110 кг вазнда Алекс жуда тезкор ва кучли. Шунинг учун хавотирга ўрин йўқ", — деди Тейшейра AgFight порталига берган интервьюсида.
Ҳавола :
Манба : AgFight
Фикрлар