27 янв 18:38
Янгиликлар

Бокс/ММА

UFC рейтинги янгиланди: Гэтжи пешқадам Царукянни ортда қолдирди

Дунёнинг энг кучли лигаси якшанба куни ўтказилган UFC 324 турниридан кейин вазн тоифалари учун янгиланган рейтингни эълон қилди.

Жумладан, вақтинчалик чемпионлик камарини қўлга киритган Жастин Гэтжи енгил вазн тоифаси рейтингида уч поғона юқорилашга муваффақ бўлди. Жастинга очколар ҳисобига кўра ютқазган Пэдди Пимблетт мағлубиятига қарамай, ўз ўрнида, яъни 5-ўринда қолди. Рейтинг пешқадами бўлиб келган Арман Царукян ўз ўрнини айнан Гэтжига бўшатиб берди.

Учинчи ўринда бўлган Макс Холлоуэй ҳам бир поғонага пастлади. Рейтингнинг Топ-10`талигида бошқа ўзгариш кузатилмади. Жангчилар эгаллаб турган ўз ўринларини сақлаб қолишди.