UFC рейтинги янгиланди: Нокаутчи енгил вазн тоифасида Топ-5`га яқинлашди

Куиллан ушбу ғалабаси эвазига рақиби Гамротни олтинчи ўриндан ўзи шу пайтгача эгаллаб келган тўққизинчи поғонага тушириб юборди. Салкилд биринчи раунд якунланишига 35 сония қолган бир пайтда тажрибали рақибини бўғиш усули эвазига мағлубиятга учратди. Бу ғалаба сабаб у рейтингда олтинчи ўринга кўтарилди. 

Австралиялик аралаш яккакураш устаси ташкилотда кетма-кет олтинчи ғалабасини қўлга киритди. Британиялик Пэдди Пимблетт дивизионнинг Топ-5`талигини якунлаб турибди. Салкинд билан жанг қилишга қизиқиш билдирган франциялик Бенуа Сен-Дени саккизинчи ўринни банд этган.

Шунингдек, аёллар биринчи энг енгил дивизион рейтингида бразилиялик Алексиа Таинара уч поғонага кўтарилиб, еттинчи ўринга жойлашди. У ҳакамларнинг якдил қарори билан ҳамюрти Аманда Лемосни мағлуб этганди. Лемос эса аксинча, уч поғона пастлаб, мета-рейтингда ўн тўртинчи ўринга жойлашди.

Бошқа ўзгаришлардан украиналик Ярослав Амосов (13) ва америкалик Кевин Холланднинг (14) ташкилотнинг энг яхши ярим ўрта вазн тоифасидаги жангчилари рўйхатида битта ўринга ўз позициясини яхшилаганини таъкидлаш жоиз.