30 июн 17:53
Янгиликлар
Теннис
Уимблдон. Камилла Раҳимова мусобақани ғалаба билан бошлади
Британияда теннис бўйича нуфузли "Уимблдон" турнири старт олди.
Ушбу турнир доирасида Ўзбекистоннинг биринчи ракеткаси Камилла Раҳимова илк босқичда украиналик Ангелина Калининага қарши баҳс олиб борди.
2 соат 46 дақиқа давом этган ўйинда Камилла 4:6, 6:4, 7:5 ҳисобларида ғалаба қозонди ва иккинчи босқичга йўл олди. Бу теннисчиларнинг ўзаро учинчи ўйини ҳисобланади. Бунгача ўтказилган икки учрашувда Калининанинг қўли баланд келганди.
Таққослаш учун, Раҳимова айни пайтда дунёнинг 70, Калинина эса 66-ракеткаси бўлиб турибди. Энди теннисчимиз иккинчи босқичда дунёнинг 43-ракеткаси, грециялик Мария Саккарига қарши кортга чиқади.
Ҳавола :
Манба : olamsport.com
Фикрлар