Уимблдон. Рафаэль Надаль яна тўрт сетлик учрашув ўтказди

Дунёнинг тўртинчи ракеткаси Рафаэль Надаль мусобақанинг иккинчи даврасида ATP рейтингида 106-поғонадан жой олиб турган Ричардас Беранкисга қарши кортга чиқди. Уч соату 2 дақиқа давом этган баҳсда Надаль рақибини 6/4, 6/4, 4/6, 6/3 ҳисобида мағлубиятга учратди.

Теннисчилар ўртасидаги ўзаро учрашувларда Рафа иккинчи ғалабасини тантана қилди - 2:0. Бу испаниялик учун "Катта Дубулға" турнирлари доирасида кетма-кет қўлга киритилган 16-ғалабали учрашув бўлди. Энди Надаль учинчи босқичда италиялик Лоренцо Сонегога қарши кортга чиқади.