12 июл 10:54
Янгиликлар

Теннис

Уимблдон. Свитолина сайёрамизнинг биринчи ракеткасини мағлуб этди + ФОТО

"Уимблдон"нинг аёллар ўртасидаги баҳсларида ҳам чорак финал ўйинлари бўлиб ўтяпти.

Сайёрамизнинг биринчи ракеткаси польшалик Ига Свёнтек кутилмаганда 1/4 финал учрашувида WTA рейтингида 76-ўринда бораётган украиналик Элина Свтолинага уч сет натижасига кўра ютқазиб қўйди.

Икки соату 41 дақиқа давом этган баҳсда Ига рақибасига 5/7, 7/6(5), 2/6 ҳисобида имкониятни бой бериб қўйган. Теннис маликаларининг ўзаро учрашувларидаги ҳисоб тенглашди - 1:1.

Элина ушбу ғалабаси эвазига фаолиятида иккинчи бор "Уимблдон"нинг 1/2 финалига чиқди. "Катта Дубулға" турнирларида эса учинчи марта ярим финал иштирокчисига айланди. Энди у финал йўлланмаси учун чехиялик Маркета Вондроушовага қарши баҳс олиб боради.