Украина МОҚ ёшлар олимпиадаси совриндорларига стипендия жорий қилди - каттагина сумма!

Унга кўра, совриндор спортчилар ҳамда уларнинг мураббийлари бир йилда тахминан 1 миллион гривенга эга бўлишади. Бу бизнинг пулда тахминан 294 508 672 сўм деганидир. 

Ўсмирлар Олимпиадаси совриндорлари бир йилда 35 473,57 АҚШ долларини қўлга киритишади. Шунда бир ойда спортчи ва мураббийлар 2956 доллар стипендия олишади. 

Таъкидлаш жоиз, афсонавий атлет Сергей Бубка раҳбарлик қилаётган Украина миллий олимпия қўмитаси 2010 йилдан то шу кунгача ўтган Ўсмирлар ва катталар Олимпиадаси, Ўсмирлар ҳамда катталар ўртасидаги Европа ўйинлари ғолиб ва совриндорларига стипендиялар бериб келмоқда. 

Маълумот учун, Украина терма жамоаси Буэнос-Айресда ўтган Ўсмирлар Олимпиадасида 7та олтин, 8та кумуш, 8та бронза, жами 23та медал қўлга киритган эди.