World Boxing президенти бўлган Головкин энди Қозоғистон МОҚдан кетадими? GGG жавоб берди

Головкин ҳозирча Қозоғистон Миллий олимпия қўмитаси президенти сифатидаги фаолиятини якунлашни режалаштираётгани йўқ.

"Йигитлар, менинг мақсадим шунчаки руҳлантириш эмас — сизлар буни яхшироқ тушунасиз деб ўйлайман. Спортчилар билан бирга бўлиш мен учун шараф. Шу билан мен уларга — мен ҳам спортчилар томонда эканлигимни кўрсатаман. Энг аввало, МОҚни намоён қиламан. Биз спортчиларимизга ҳамма нарса мумкинлигини, ўзларига ишониш кераклигини тушунтираман. Бу руҳлантиришнинг кичик қисми холос.

Мен Миллий Олимпия қўмитасида қолиш учун бор кучимни сарфлайман. Шунчаки қолиш учун эмас, бунинг учун бор кучимни бераман. Маълум мақсадлар, билимлар бор.

МОҚда амалга оширилган ишлар, биз МОҚ ва Халқаро Олимпия қўмитаси билан ҳамкорликни қандай даражага олиб чиққанимизни кўриб турибсиз. Биз позициямизни йўқотмаймиз деб ўйлайман. Мамлакат ҳам, мухлислар ҳам қўллаб-қувватлайди — биз олға юрамиз. Режалар улкан", — деди Головкин.