Головкин Ислом бирдамлиги спорт федерацияси (ISSA) вице-президенти этиб сайланди

Сайловлар Саудия Арабистонининг Тоиф шаҳрида ISSA 15-Бош ассамблеяси доирасида бўлиб ўтди. Геннадий Головкин 2026 йилдан 2029 йилгача бўлган давр учун Ижроия қўмитаси таркибига Осиё ва Европа минтақалари учун масъул вице-президент этиб тайинланди.

Ўз навбатида, Саудия Арабистони спорт вазири, мамлакат Олимпия ва Паралимпия қўмитаси раҳбари, шаҳзода Абдулазиз бин Турки Ал-Файсал ISSA президенти лавозимига қайта сайланди.

Геннадий Головкиннинг ISSA раҳбариятига сайланиши унинг халқаро спорт фаолиятида янги саҳифа очмоқда. У 2024 йилнинг февралидан буён Қозоғистон Миллий олимпия қўмитаси президенти лавозимида ишлаб келмоқда.

2025 йилнинг ноябрида Головкин World Boxing ташкилоти президенти этиб сайланган эди. Шу тариқа, у олимпия спорт турлари бўйича халқаро федерацияга раҳбарлик қилган Қозоғистоннинг биринчи вакили бўлди.