IBA раҳбари Кремлёв Россия борасидаги қарордан сўнг World Boxing'га мурожаат қилди

Ташкилот россиялик боксчиларни барча ёш тоифаларида ва барча халқаро мусобақаларда миллий байроқ ҳамда мадҳия билан иштирок этишига рухсат берганди. 

"World Boxing'га раҳмат. Бу ягона тўғри қарор. Мен улар спортчини сиёсатдан устун қўяётганидан хурсандман — бу яна бир бор бокс спортчилар томонида эканини исботлайди. Байроқ ва мадҳия ҳар бир спортчининг қалби ва руҳидир.

Бизнинг боксчилар олимпия боксига қайтмоқда ва Лос-Анжелес Олимпиадасида улар бутун дунёга ҳақиқий, чиройли ва кучли жанглар қандай бўлишини кўрсатади. Ва буни ўз байроғи ва мадҳияси остида амалга оширади. World Boxing'га ўз ташаббусларида омад тилайман", — деди Умар Кремлёв.

Эслатиб ўтамиз, World Boxing ташкилоти президенти қозоғистонлик Геннадий Головкин бўлиб, у шунингдек Қозоғистон Республикаси Миллий олимпия қўмитаси раҳбари сифатида ҳам фаолият олиб бормоқда.