Улоқ яна амалдаги жаҳон чемпионида кетди

Дунёнинг 10 нафар энг кучли гроссмейстерлари Магнус Карлсен (Норвегия), Вишванатан Ананд (Ҳиндистон), Левон Аронян (Арманистон), Фабиано Каруана (АҚШ), Аниш Гири (Голландия), Владимир Крамник (Россия), Хикару Накамура (АҚШ), Максим Вашье-Лаграв (Франция), Веселин Топалов (Болгария), Уэсли Со (АҚШ) иштирокида ўтган Grand Chess Tour турнирида яна амалдаги жаҳон чемпиони ўзини кўрсатди.

Мусобақанинг биринчи кунида Левон Аронян 5,5 очко билан етакчилик  қилаётганди. Бироқ, бугунги ўйналган 9-партияда 6 очко жамғарган ФИДЕ рейтинги пешкадами Магнус Карлсен якунда 11 очко билан яна бош совринга эга чиқди. Аронян эса 10 очко билан иккинни эгаллади. 3-5-ўринлар 9,5тадан очко  жамғарган Виши Ананд, Накамура ва Сога насиб этди.

Таъкидлаш керак, кеча якунига етган рапид йўналишида ҳам амалдаги жаҳон чемпиони Магнус Карлсен 12 очко билан ғолиб бўлган эди. Шу боис, умумий ҳисобда ҳам Карлсен 23 очко билан етакчилик қилди. Америкалик Уэсли Со 20,5 очко билан иккинчи ўринни банд этди. Аронян 20 очко билан кучли учликка якун ясади.