Умида Омонова - IV Бутунжаҳон ёшлар ўйинлари чемпиони+ФОТО!

Мусобақада иштирок этган шахматчиларимиздан Умида Омонова 10 очко жамғариб, шохсупанинг энг юқори поғонасига кўтарилди. У сўнгги кунги баҳсларда иккита ғалабага эришиб, 10 очко билан мусобақа чемпионига айланди. 

Россиялик Камалия Булатова кумуш, руминиялик Михаэла Трифа бронза медалига сазовор бўлди. Ўғил болалар ўртасидаги баҳсларда ФИДЕ устаси, турнирнинг рейтинг-етакчиси россиялик Руслан Муртазин ғолиб бўлди. Франциялик Константин Попов кумуш, исроиллик Гов (Котлеренко) Гай бронза медали билан тақдирланди. 

Терма жамоамизнинг умумий натижасига 7,5тадан очко жамғарган Самандар Шермуҳаммадов ва Хадиятулло Муҳаммедов ҳамда 6 очко тўплаган Артемий Макаркин хисса қўшишди. 

Якунда ўзбекистонлик ёшлар 31 очко билан 38 давлат жамоалари орасида иккинчи ўринни эгаллашди. Россия терма жамоаси 34 очко билан иккинчи, 29,5 очкога эга Арманистон учинчи ўринни эгаллади.