Урганчда моҳир спортчилар тақдирланди + ФОТО

Бинобарин, ушбу ташкилот воҳада спортнинг техник ва амалий турларини янада ривожлантириш, унинг оммавийлигини ошириш йўлида муҳим ўрин тутади. 

Бугунги кунда кенгаш тасарруфидаги вилоят техник ва амалий спорт турлари маркази, шаҳар ва туманлардаги ўқув спорт техника клубларининг спорт секцияларида хоразмлик ёшлар ўзлари меҳр қўйган ёзги биатлон, триатлон(дуатлон), пневматик қуролдан ўқ отиш, мотокросс, картинг, авиамодель, ракетамодель, радиоспорт ва парашют спорти сингари спорт турларини катта қизиқиш ва иштиёқ билан ўзлаштиряпти. 

Машғулотлардан ташқари, белгиланган режа асосида уюштирилаётган мусобақалар уларнинг тажриба ва маҳоратини маромига етказишга хизмат қилаётир. Ўз навбатида воҳалик спортчилар республика миқёсидаги чемпионат ва биринчиликларда совриндорлар сафидан жой олишаётир.

Маълумки, ҳар йили 23 ноябрь - Ўзбекистон мудофаасига кўмаклашувчи “Ватанпарвар” ташкилоти ташкил топган кун сифатида кенг нишонланади. Жорий йил ҳам бундан мустасно бўлмаяпти. Жойларда мазкур санага бағишлаб спорт мусобақалари ва маънавий-маърифий тадбирлар ўтказилмоқда. Хоразм вилояти кенгашида уюштирилган байрам тадбири ҳам ана шулар сирасига киради. Тизимнинг энг фаол ходимлари ва моҳир спортчилари тадбирнинг эъзозли меҳмонлари бўлишди.

Тадбирда қатнашган кенгаш раиси Давронбек Ибрагимов йиғилганларни қутлуғ айём билан муборакбод этиб, соҳани янада ривожлантириш йўлида қўшаётган муносиб хизматларига миннатдорлик рамзи сифатида фахрий ёрлиқ ва совғалар билан тақдирлади.

Икром ХУДОЙБЕРГАНОВ, Урганч шаҳридан