ОАВ ходимлари орасидан мерганлар аниқланди

“Спорт – саломатлик гарови!” шиори остида ўтказилган ушбу мусобақанинг асосий мақсади журналистлар ўртасида соғлом турмуш тарзини тарғиб қилиш ва уларни спорт билан фаол шуғулланишга кенг жалб қилиш ҳисобланади.

Мусобақа иштирокчиларидан 10 метр масофадан туриб, белгиланган нишонларни пневматик милтиқларда мўлжалга олиб, ўқ узиш талаб этилди. 

Қизғин, дўстона, шу билан бирга, муросасиз кечган беллашувда журналистлар қуйидаги натижаларга эришдилар:

Эркаклар ўртасида:

1-ўрин: Ҳайдаров Қаҳрамон Ўктамович (Мудофаа вазирлиги Ахборот ва оммавий коммуникациялар департменти);

2-ўрин: Заитов Санжар Суннатуллаевич (“Спорт” телеканали);

3-ўрин: Ҳожиметов Шерзод Ортиқбоевич (“Спорт” телеканали).

Аёллар ўртасида:

1-ўрин: Раҳимова Динара Расулбек қизи (“Ёшлар” телеканали);

2-ўрин: Талипжанова Шафоат Манаповна (“Спорт” телеканали);

3-ўрин: Алманова Мавжуда Пўлатовна (Мудофаа вазирлиги Ахборот ва оммавий коммуникациялар департменти);

Ғолибликни ва фахрли ўринларни қўлга киритган ОАВ вакиллари “Ватанпарвар” ташкилотининг дипломлари ва эсдалик совғалари билан тақдирланди.

Шунингдек, “Ватанпарвар” ташкилоти фаолиятини ОАВда ёритишда фаол ҳисса қўшиб келаётган бир гуруҳ журналистларга ташкилот Марказий кенгаши раисининг ташаккурномалари топширилди.

Эслатиб ўтамиз, республика бўйлаб “Ватанпарвар” ташкилоти тизимида автокросс, мотокросс, картинг, триатлон, дуатлон, биатлон, ўқ отиш, авиамодел, ракетамодел, кемамодел, радиоспорт каби спортнинг техник ва амалий турлари секциялари фаолияти йўлга қўйилган бўлиб, Ташкилотнинг спортчилари ушбу спорт турлари бўйича республика, МДҲ, Осиё ва жаҳон чемпионатларида юқори ўринларни эгаллаб келмоқда.

Ўзбекистон Республикаси мудофаасига кўмаклашувчи

“Ватанпарвар” ташкилоти Матбуот хизмати