22 авг 09:29
Янгиликлар
Теннис
US Open 2023. Нигина Абдураимова саралашдаги рақибасини билиб олди
Нью-Йорк шаҳри мезбонлик қиладиган "Катта Дубулға" туркумига кирувчи АҚШ Очиқ чемпионатининг саралаш турнирига қуръа ташланди.
Ушбу йилнинг тўртта нуфузли мусобақасидан бирида ҳамюртимиз Нигина Абдураимова ҳам ўз омадини синаб кўради. Мамлакатимизнинг биринчи ракеткаси қуръа натижасига кўра, саралашнинг илк даврасида словакиялик Ребекка Шрамковага қарши кортга чиқадиган бўлди.
Таққослаш учун, айни пайтда 29 ёшли Абдураимова WTA рейтингида 197, 26 яшар Шрамкова эса 153-ўринни эгаллаб турибди. Теннисчилар ўзаро бир маротаба учрашишган. Ўтган йилнинг 17 ноябрь куни Братиславадаги турнирнинг 1/8 финали доирасида кечган баҳсда Нигина мезбон рақибасини 6/2, 6/4 ҳисобида мағлубиятга учратган эди.
US Open саралаш босқичи доирасидаги учрашув эса бизнинг вақт билан бугун тунги соат 01:30да бошланади.
Ҳавола :
Манба : olamsport.com
Ўхшаш янгиликлар
19:02
Лайлохон ва Нигина борми? Аёллар кураши бўйича U-23 Жаҳон чемпионати учун таркибимиз эълон қилинди 0
Фикрлар