US Open 2023. Нигина Абдураимова саралашдаёқ мағлубиятга учради

Йилнинг тўртта нуфузли мусобақасидан бирида ҳамюртимиз Нигина Абдураимова ҳам ўз омадини синаб кўрди. Мамлакатимизнинг биринчи ракеткаси саралашнинг илк даврасида словакиялик Ребекка Шрамковага қарши кортга чиқди ва афсуски, рақибасига 4/6, 4/6 ҳисобларида имкониятни бой бериб қўйди. Саксон бир дақиқа давом этган баҳсда Ребекка 2, Нигина 5 та эйс зарбасини амалга оширган. Қўшхатолар иккала теннисчида ҳам биттадан бўлди.     

Таққослаш учун, айни пайтда 29 ёшли Абдураимова WTA рейтингида 197, 26 яшар Шрамкова эса 153-ўринни эгаллаб турибди. Бу теннисчиларнинг ўзаро иккинчи учрашуви эди - 1:1.  Ўтган йилнинг 17 ноябрь куни Братиславадаги турнирнинг 1/8 финали доирасида кечган баҳсда Нигина Шрамковани 6/2, 6/4 ҳисобида мағлубиятга учратган эди.