30 авг 17:37
Янгиликлар

Теннис

US Open. Амалдаги чемпион унвон ҳимоясини давом эттирмоқда

Дунёнинг биринчи ракеткаси Арина Соболенко теннис бўйича "Катта Дубулға" туркумига кирувчи АҚШ Очиқ чемпионатининг 1/8 финал иштирокчисига айланди.

Беларуслик теннис маликаси 1/16 финалда WTA рейтингида 30-ўринни эгаллаб турган канадалик Лейла Фернандесни 6/3, 7/6(2) ҳисобида мағлубиятга учратди. Бу ғалабаси эвазига Арина теннисчиларнинг ўзаро учрашувларидаги ҳисоб мувозанатини тиклаб қўйди - 1:1.

Роппа-роса 100 дақиқа давом этган баҳсда Соболенко 6, Фернандес 5 та эйс зарбасини амалга оширган. Қўшхатолар Аринада кўпроқ бўлди - 4 га 3. Энди US Open турнирининг амалдаги чемпиони 1/8 финалда испаниялик Кристина Букшага қарши кортга чиқади.