US Open. Ига Свёнтек рус маликасини мусобақадан чиқариб юборди

Польшалик теннисчи учинчи босқичда WTA рейтингида 29-ўринни эгаллаб турган россиялик теннис маликаси Анна Калинскаяни қийинчилик билан мағлубиятга учратди - 7/6(2), 6/4. Ушбу ғалабаси эвазига Ига теннисчиларнинг ўзаро учрашувлари ҳисобида олдинга чиқиб олди - 2:1. 

Икки дақиқаси кам икки соат давом этган баҳсда Свёнтек 4, Калинская 2 та эйс зарбасини амалга оширган. Қўшхатолар Аннада икки баробар кўпроқ бўлди - 11 га 5. Брейклар бўйича устунлик эса Свёнтек томонида - 5 га 4. Биринчи сетда Калинская 5/1 ҳисобида олдинда бораётган эди, лекин у бу катта устунликдан фойдалана олмади. Энди Ига US Open 1/8 финалида яна бир рус теннисчиси Екатерина Александровага қарши кортга чиқади.