US Open. Ига Свёнтек учун мусобақа якунланди

Польшалик теннис маликаси бироз кутилмаганда WTA рейтингида 9-ўринни эгаллаб турган америкалик Аманда Анисимовага имкониятни бой бериб қўйди - 4/6, 3/6. Асли келиб чиқиши россиялик бўлган Аманда бу ғалабаси эвазига теннисчиларнинг ўзаро учрашувларидаги ҳисоб мувозанатини тиклади - 1:1.

Тўқсон саккиз дақиқа давом этган баҳсда Свёнтек 2, Анисимова 3 та эйс зарбасини амалга оширган. Қўшхатолар Игада биттага кўпроқ бўлди - 3 га 2. Брейклар бўйича эса Аманда устунлик қилди - 4 га 2. Анисимова фаолиятида илк бор US Open 1/2 финалига чиқди.