US Open. Наоми Осака дунёнинг учинчи ракеткасини мағлуб этди

Мезбонлар вакиласи тўртинчи даврада WTA рейтингида 24-ўринни эгаллаб турган япониялик Наоми Осакага 3/6, 2/6 ҳисобида имкониятни бой бериб қўйди. Кун чиқар юрт вакиласи бу ғалабаси эвазига теннисчиларнинг ўзаро учрашувларидаги ҳисоб мувозанатини ҳам тиклаб қўйди - 3:3.  

Олтмиш олти дақиқа давом этган баҳсда иккала теннис маликаси ҳам 3 тадан эйс зарбасини амалга оширган. Гофф 5 та қўшхатога йўл қўйди. Осакада бу борада бехато ўйнади. "Катта Дубулға" туркумига кирувчи турнирларнинг тўрт карра ғолибаси энди чорак финалда чехиялик Каролина Муховага қарши кортга чиқади.