02 сен 07:01
Янгиликлар

Теннис

US Open. Свёнтек сўнгги рус теннисчисини ҳам мағлуб этди

Нью-Йорк шаҳрида теннис бўйича "Катта Дубулға" туркумига кирувчи АҚШ Очиқ чемпионати давом этмоқда.

Дунёнинг иккинчи ракеткаси Ига Свёнтек тўртинчи даврада WTA рейтингида 12-ўринни эгаллаб турган россиялик Екатерина Александровани ортиқча қийинчиликсиз 6/3, 6/1 ҳисобида мағлуб этди. Ига теннис маликаларининг ўзаро учрашувларидаги ҳисобни ўз фойдасига йириклаштирди - 5:2.

Олтмиш олти дақиқа давом этган баҳсда Свёнтек 7, Александрова 2 та эйс зарбасини амалга оширган. Иккала теннисчи ҳам 4 тадан қўшхатога йўл қўйган. Екатеринанинг мағлубиятидан кейин US Open яккалик баҳсларида россияликлардан ҳеч ким қолмади. Свёнтек фаолиятида 13-маротаба "Катта Дубулға" турнирлари (US Open`да учинчи бор) 1/4 финалига чиқди.