08 окт 19:17
Янгиликлар

Теннис

Ватандошини таслим этган Монфис Шанхай "Мастерс" 1/8 финалига чиқди

ATP рейтингида 46-ўринни эгаллаб турган Гаэль Монфис Шанхай "Мастерс" турнирининг нимчорак финал иштирокчисига айланди.

Франциялик теннисчи ATP 1000 тоифасига кирувчи ушбу турнирнинг тўртинчи даврасида дунёнинг 15-ракеткаси бўлиб турган ҳамюрти Уго Умберни иродали тарзда мағлуб этди - 7:6 (9:7), 2:6, 6:1. Икки соату 14 дақиқа давом этган баҳсда Монфис 10, Умбер эса 5 та эйс зарбасини амалга оширган.

Энди 38 ёшли француз чорак финал чиптаси учун дунёнинг иккинчи ракеткаси, испаниялик Карлос Алькарасга қарши кортга чиқади. Теннисчиларнинг ўзаро сўнгги учрашувида Монфис ғалаба қозонганди. Бу шу йил август ойида Цинциннати "Мастерс" турнири доирасида содир бўлган эди.