“Ватанпарвар” ташкилоти спортчилари халқаро мусобақада ғолиб чиқишди

Бешта давлатдан 120 дан ортиқ спортчилар иштирок этган ушбу нуфузли мусобақада Ўзбекистон Республикаси мудофаасига кўмаклашувчи “Ватанпарвар” ташкилоти спортчилари 4 та олтин, 1 та кумуш ва 1 та бронза медалларини эгаллаб, ёшлар ўртасида умумжамоа ҳисобидан биринчи ўринни эгалладилар.

Шоҳсупага кўтарилган спортчиларимиз:

1. Отабек Фазлиддинов “S-7”-синфида 1-ўрин (Наманган вилояти);

2. Сардор Рўзиев “S-6-А”-синфида 1-ўрин (Бухоро в.);

3. Фаррух Сафоев “S-9-А”-синфида 1-ўрин (Бухоро в.);

4. Феруз Баҳодиров “S-7-А”-синфида 1-ўрин (Бухоро в.);

5. Фарҳод Бакиев “S-10-А”-синфида 2-ўрин (Самарқанд в.);

6. Шаҳбоз Бафоев “S-10-А”-синфида 3-ўрин (Бухоро в.).

Бундан ташқари, наманганлик мураббий Нажмиддин Зайлидинов “Энг яхши мураббий” номинацияси бўйича ғолиб деб топилди. Ўзбекистон Республикаси мудофаасига кўмаклашувчи “Ватанпарвар” ташкилоти жамоаси ушбу спортчиларни самимий муборакбод этиб, келгусида бундан-да юксак ютуқларга эришишларини тилайди.

Эслатиб ўтамиз, 2022 йилнинг 16-23 сентябрь кунлари Қозоғистон Республикасининг Байконур шаҳрида спортнинг ракетамодел тури бўйича ўтказилган “Байконур Кубоги-2022” халқаро мусобақасида “Ватанпарвар” ташкилоти спортчиларидан иборат Ўзбекистон терма жамоаси биринчи ўринни қўлга киритган эди.

“Ватанпарвар” ташкилоти бир қатор халқаро спорт ташкилотлари, жумладан, Халқаро аэронавтика федерацияси (FAI)нинг тўла ҳуқуқли аъзоси ҳисобланади.

Ўзбекистон Республикаси мудофаасига кўмаклашувчи “Ватанпарвар” ташкилоти Матбуот хизмати