"Ватанпарвар" ташкилоти спортчилари халқаро мусобақада яна ғолиб бўлди + ФОТО

Тўрт тадавлат – Россия, Беларусь, Ўзбекистон ва Тожикистоннинг 150 дан ортиқ спортчилари иштирок этган ушбу нуфузли мусобақада "Ватанпарвар" ташкилоти спортчиларидан иборат Ўзбекистон терма жамоаси 2 та олтин, 2 та кумуш ва 4 та бронза медалларини қўлга киритиб, якунда умумжамоа ҳисобида биринчи ўринни эгаллади.

Спортчиларимизнинг натижалари:

1. Шаҳбоз Бафоев: «S-9-A»-синфида 1-ўрин, «S-3-A» ва «S-4-A» синфларида 3-ўрин (Бухоро в.);

2. Фарҳод Бакиев: «S-10» синфида 1-ўрин (Самарқанд в.);

3. Нажмиддин Зайлидинов: «S-7» синфида 2-ўрин (Наманган в.);

4. Исроилжон Раматалиев: «S-7» синфида 2-ўрин (Наманган в.);

5. Шамсиддин Бафоев: «S-10» синфида 3-ўрин (Бухоро в.);

6. Азизбек Турғунов: «S-7» синфида 3-ўрин (Наманган в.).

Бундан ташқари, бухоролик мураббий Шамсиддин Бафоев "Энг яхши мураббий" номинацияси бўйича ғолиб деб топилди. Ўзбекистон Республикаси мудофаасига кўмаклашувчи "Ватанпарвар" ташкилоти жамоаси спортчиларни самимий муборакбод этиб, келгусида бунданда юксак ютуқларга эришишларини тилайди.

Эслатиб ўтамиз, 2023 йилда Россия Федерацияси Москва вилоятининг Королёв шаҳрида ёшлар ўртасида спортнинг ракетамодел тури бўйича ўтказилган халқаро мусобақада спортчиларимиз умумжамоа ҳисобидан биринчи ўринни эгаллашган эди.

"Ватанпарвар" ташкилоти бир қатор халқаро спорт ташкилотлари, жумладан, Халқаро аэронавтика федерацияси (FAI)нинг тўла ҳуқуқли аъзоси ҳисобланади.

Ўзбекистон Республикаси мудофаасига кўмаклашувчи «Ватанпарвар» ташкилоти Матбуот хизмати