Виктория Азаренко Чикагода ғалаба билан бошлади

Дунёнинг 34-ракеткаси Виктория Азаренко Chicago Fall Tennis Classic турниридаги иштирокини ғалаба билан бошлади. Беларуслик теннисчи рейтингнинг 49-поғонасидан жой олиб турган хитойлик Чжан Шуайга қарши кортга чиқиб, рақибасини ортиқча қийинчиликсиз мағлуб этди - 6/2, 6/1.

Олтмиш икки дақиқа давом этган баҳсда Виктория 3 та эйс, 7 та брейкни амалга оширди. Чжан эса 2 та эйс зарбасини ижро этди. Теннисчиларнинг ўзаро учрашувларидаги ҳисоб йириклашди - 3:0. Энди Азаренко Хейли Баптистга қарши кортга чиқади. Хейли ўз ўрнида Жасмин Паолинидан устун келди - 7/5, 6/3.