18 авг 12:51
Янгиликлар

Теннис

Виктория Азаренко ғалаба билан бошлади

АҚШнинг Цинцинатти шаҳрида теннис бўйича нуфузли WTA турнири давом этмоқда.

Дунёнинг 15-ракеткаси бўлиб турган Виктория Азаренко Western & Southern Open турниридаги иштирокини ғалаба билан бошлади. Беларуслик тажрибали теннисчи рейтингнинг 52-поғонасидан жой олган россиялик 22 ёшли Людмила Самсоновадан устун келди - 6/2, 6/3.

Етмиш бир дақиқа давом этган баҳсда 32 ёшли Виктория бешта брейк ва учта эйсни амалга оширди. Теннисчиларнинг ўзаро учрашувларидаги ҳисоб мувозанати тикланди - 1:1. Азаренконинг иккинчи босқичдаги рақибаси америкалик Элисон Риске бўлади.