16 май 14:15
Янгиликлар

Футбол

"Арсенал" товон пули 80 млн евролик футболчига жиддий қизиқиш билдирмоқда — The Sun

"Арсенал" "Порту" ярим ҳимоячиси Виктор Фрохольдтни кузатмоқда ва уни келаси ёзда "канонирлар" Кристиан Нёргор ўрнига олиб келмоқчи.

Бу ҳақда The Sun хабар бермоқда.

Манбага кўра, 20 ёшли футболчининг шартномасида 70 млн фунт (80 млн евро) миқдоридаги товон пули пункти бор. Португалия клуби Фрохольдтни сотмоқчи эмас. "Порту"ни шунингдек, ўйинчининг ўзи ҳозирча кетишни истамаётгани ҳам илҳамлантирмоқда.

Жорий мавсумда Фрохольдт барча турнирларда 51 ўйинда майдонга тушиб, 8 та гол урди ва 6 та голли узатма берди. Унинг клуб билан шартномаси 2030 йил ёзигача. Трансфермаркт маълумотларига кўра, футболчининг бозор қиймати 30 миллион евро.