WTA Finals. Чжэн Циньвэнь Рибакинанинг орзусини саробга айлантирди

Хитойлик теннисчи гуруҳ босқичининг иккинчи ўйинида рейтингда ўзидан икки поғона юқорида бораётган қозоғистонлик Елена Рибакинани уч сет натижасига кўра мағлубиятга учратди - 7/6(4), 3/6, 6/1. Чин юрти вакиласи теннисчиларнинг ўзаро учинчи учрашувига келиб, илк ғалабасини қўлга киритди - 1:2. 

Икки соату 27 дақиқа давом этган баҳсда Чжэн 6, Рибакина 8 та эйс зарбасини амалга оширди. Қозоғистонлик теннисчи икки мағлубиятдан кейин плей-оффга чиқиш имкониятидан маҳрум бўлди. Чжэн эса гуруҳдан иккинчи ўрин билан чиқиш учун сўнгги турда италиялик Жасмине Паолинини мағлуб этиши керак бўлади.