WTA рейтинги. Биринчи ракеткамиз кўтарилди, Влада ҳам 30 поғона юқорилади

Янгиланган рейтингдаги теннис маликаларимиз сони 7 нафарга етди. Уларнинг 2 нафари жадвалда кўтарилишга муваффақ бўлди. Ўзбекистон фуқаролигини қабул қилган Мария Тимофеева икки поғона юқорилаб, 144-ўринни эгаллаб турибди. Унинг ҳисобида 519 WTA рейтинг очкоси бор. Қолган барча теннисчиларимизнинг умумий очкоси 53 ни ташкил қилмоқда. Иккинчи ракеткамиз бўлиб қолган Влада Якшибарова ҳам бугун эълон қилинган рейтингда 30 ўринга кўтарилиб олди. Милана Масленкова 5, Дарья Шубина 6, Диана Яковлева ва Сабрина Олимжонова 7 поғонага пастлаган. Анчадан бери мусобақаларда қатнашмаётган Нигина Абдураимова ўз ўрнида қолган.

Дунё теннисчилар рейтингида эса ҳамон беларуслик Арина Соболенко пешқадамлик қилмоқда. Иккинчи ўриндаги польшалик Ига Свёнтек карвонбошига яқинлашиб бормоқда. Кучли учликка америкалик Коко Гофф якун ясаган. Қозоғистонлик Елена Рибакина 7-поғонадан 6-ўринга кўтарилди. Италиялик Жасмин Паолини аксинча, икки поғонага пастлади.   

WTA рейтинги. 27 октябрь кунги ҳолат:

1. (1) Арина Соболенко (Беларусь) – 9870

2. (2) Ига Свёнтек (Польша) – 8195

3. (3) Коко Гофф (АҚШ) – 6563

4. (4) Аманда Анисимова (АҚШ) – 5887

5. (5) Жессика Пегула (АҚШ) – 5183

6. (7) Елена Рибакина (Қозоғистон) – 4350

7. (8) Мэдисон Киз (АҚШ) – 4335

8. (6) Жасмин Паолини (Италия) – 4325

9. (9) Мирра Андреева (Россия) – 4319

10. (10) Екатерина Александрова (Россия) – 3375

Ўзбекистонлик теннисчиларнинг WTA рейтингидаги ўрни:

144 (146). Мария Тимофеева – 519

982 (1012). Влада Якшибарова – 21  

1183 (1178). Милана Масленкова – 11 

1269 (1263). Дарья Шубина – 8

1309 (1309). Нигина Абдураимова – 7  

1469 (1462). Диана Яковлева – 3

1469 (1462). Сабрина Олимжонова – 3