08 ноя 10:52
Янгиликлар

Теннис

WTA Якуний турнирининг жуфтлигида ҳам ғолибалар маълум

Россиялик Вероника Кудерметова ҳамда бельгиялик Элизе Мертенс WTA Finals турнири ғолибаларига айланишди.

Бу жуфтлик ҳал қилувчи финал учрашувида чехиялик тандем - Барбора Крейчикова ва Катержина Синяковадан устун келди - 6/2, 4/6, 11:9. Чемпионлик тай-брейкида чехияликлар 7:2 ҳисобида олдинда бора туриб, якунда мағлубиятга учрашгани аламли бўлди.

Бир соату 44 дақиқа давом этган баҳсда Кудерметова/Мертенс жуфтлиги 2 та эйс, 5 та қўшхато ва 3 та брейкни расмийлаштиришди. Кудерметова жуфтликдаги бешинчи, Мертенс эса 16-совринини қўлга киритди.

Улар 1500 рейтинг очкоси ҳамда 360,000 доллар мукофот пулига эга бўлишди. Вице-чемпионлар эса 1080 балл ҳамда 190,000 доллар ишлаб олишди. Чемпион жуфтлик мавсумни дунёнинг иккинчи ракеткалари сифатида якунлашади.